نوبانجى

السبت، 21 يونيو، 20140 التعليقات

◘ تعريف المواقع العربية : إعلانات وطلعلها موقع !
كل ما تيجى تحمل حاجة لازم تقابلك صفحة مليانة إعلانات وكلام كثير إنت مش فاهمه وتقعد ياعينى تدور على لينك الداونلود ويا تلاقيه يا متلاقهوش إنت وحظك
ده غير ان السيرفرات اللى بيرفعوا عليها , سيرفرات تسبب العقم لدى الشباب ولو النت هنج تبدئ تحميل من الأول وجديد ويكأننا زبائن مهمين

أنا بحتفل النهاردة بمرور 3 سنين على أخر فيلم حملته من موقع عربى و عشان كده قررت أشارك معاكم حاجة هتغير حياتك عالنت , من النهاردة هتحمل أى فيلم أو لعبة أو برنامج أو أى حاجة بتدور عليها بلينك مباشر وبيدعم الإستكمال فى أى وقت إن شاء الله بعد سنة ... ومن غير إعلانات , دوس وحمل !
◘ واحد يسألنى ويقولى إزاى الكلام ده ؟
◘ تعالى أعرفك على المواقع الإيرانية !
إيران زى أى دولة بتحاول تتقدم فى كل حاجة , 90% من مواقعها دلوقتى بتقدم خدمة الـ Direct download links مجاناً للمستخدمين على مستوى العالم كله, ولكن طبعاً بما إن المواقع الإيرانية كلها باللغة الفارسية, عشان كده الأجانب اللى بيفتحوا المواقع دى عددهم لا يذكر تقريباً ...
◘ الأول هعرفك إزاى تلاقى أى حاجة إنت بتدور عليها عالنت بروابط مباشرة على مواقع إيرانية , وفى الأخر هديك ليست فيها شوية مواقع تقدر تحمل منهم كل اللى بتدور عليه مجاناً ...
1. إفتح جوجل إيران : https://www.google.com/?hl=fa
2. دلوقتى هديك شوية مصطلحات بالفارسية عشان تقدر تلاقى اللى بتدور عليه بسهولة من أول سيرش تعمله كل اللى عليك إنك تبدل كلمة test بإسم الحاجة اللى بتدور عليها ... جمب كل جملة بحث هتلاقى ( نوع البحث ده ) عشان تعرف إنت بتدور على ايه
• دانلود فيلم test با لينك مستقيم ( فيلم )
• دانلود بازی کامپیوتر test با لينك مستقيم ( لعبة )
• دانلود سريال test با لينك مستقيم ( مسلسل )
• دانلود برنامه test با لينك مستقيم ( برنامج )
• دانلود سیستم test با لينك مستقيم ( ويندوز )
• دانلود تم موبایل test با لينك مستقيم ( ثيم موبايل )
• دانلود بازى موبايل test با لينك مستقيم ( لعبة موبايل )
• دانلود دوره test با لينك مستقيم ( كورس )
• دانلود ترانه test با لينك مستقيم ( أغنية )
• دانلود دفتر test با لينك مستقيم ( كتاب )
- دلوقنى بنسبة كبيرة جداً هتلاقى أى حاجة إنت بتدور عليها للتحميل بروابط دايركت مباشرة بتدعم الإستكمال , ملحوظة بسيطة المواقع الإيرانية كلها بيبقى لينك التحميل أخر حاجة فى الموضوع خالص وبيبقى بخط صغير ...
◘ ودلوقتى هديك لينكات بعض المواقع الإيرانية
1. www.downloadha.com : أكبر موقع إيرانى متخصص فى تحميل نسخ الويندوز والألعاب الكاملة بروابط مباشرة
2. http://goo.gl/43XYeg : موقع تحميل افلام أجنبى جديدة 2014 , بروابط مباشرة ونسخ كاملة مجاناً
3. www.harazmusic.tk : موقع متخصص فى تحميل الافلام والمسلسلات الاجنبى بروابط مباشرة , هتلاقى كل المسلسلات اللى بتدور عليها على يمين الصفحة من خلال إسمها ...
◘ بس كده يا سيدى من النهاردة تقدر تعيش حياتك على الإنترنت كمواطن إيرانى ليك كل الحقوق ومعلكش أى واجبات ...
شايف واحد هناك بيقولك إيران ! شيعة ! إستغفر الله
مش هرد عليك بردوا .... أصله حرام ( حزلقوم إستايل )
وفى النهاية أحب أقتبس مقولة للحكيم للكونفشيوس بيقول فيها : لو كنت لقيت فى بلدى مواقع من غير إعلانات , مكنتش إتحوجت للخواجات
Share this article :
...... ......

إرسال تعليق

10m-image

 
Support : Cara Gampang | Creating Website | Johny Template | Mas Templatea | Pusat Promosi
Copyright © 2011. نوبانجى - All Rights Reserved
Template Created by Creating Website Modify by CaraGampang.Com
Proudly powered by Blogger